სერტიფიცირებული პილოტები
პარაპლანის პილოტები საქართველოში
გაიცანი გამოცდილი პარაპლანის ინსტრუქტორები ათასობით წარმატებული ფრენით. სერტიფიცირებული პილოტები გუდაურში, მესტიასა და თბილისში. დაჯავშნე ფრენა!
4
სერტიფიცირებული პილოტები
გაიცანი გამოცდილი პარაპლანის ინსტრუქტორები ათასობით წარმატებული ფრენით. სერტიფიცირებული პილოტები გუდაურში, მესტიასა და თბილისში. დაჯავშნე ფრენა!
XParaglidingთორნიკე ზაქაიძემ პარაპლანით ფრენის ხელოვნება 2018 წელს დაიწყო. მისი პირველი ნაბიჯები პარაგლაიდინგში გუდაურში პარაგლაიდინგის განვითარებას უკავშირდება და სწორედ გუდაურში აისხა პირველად ფრთები, როგორც ერთერთმა ადგილობრივმა მოწინავე პილოტმა. კვალიფიკაცია და უსაფრთხოების საერთაშორისო კურსები გუდაურში პროფესიონალ და გამოცდილ კოლუმბიელ ინსტრუქტორებთნ საბაზისო (Basic), საშუალო (Intermediate) და მოწინავე (Advance) საფეხურის კურსების წარმატებით გავლის შემდეგ, თორნიკემ აქცენტი პროფესიულ განვითარებასა და უსაფრთხოების უმაღლეს სტანდარტებზე გააკეთა, რისთვისაც გაიარა უსაფრთხოების სპეციალური კურსი (SIV). 2019 წლიდან თორნიკე ზაქაიძე არის ერთ-ერთი მთავარი აქტივისტი, რომელმაც დიდი წვლილი შეიტანა „პარაგლაიდინგის განვითარების და პოპულარიზაციის ასოციაცია – Xcaucasus“-ის ჩამოყალიბებაში. 2024 წლის გადამზადება და საერთაშორისო ლიცენზია თორნიკე ზაქაიძე მუდმივად ზრუნავს კვალიფიკაციის ამაღლებაზე. 2024 წელს მან გაიარა ტანდემ პარაგლაიდინგის სპეციალური გადამზადების კურსი, რომელიც ორგანიზებული იყო საქართველოში პარაგლაიდინგის ფედერაციის მიერ. კურსის წარმატებით დასრულების შემდეგ, მას მიენიჭა საქართველოს პარაგაიდინის ფედერაციის ტანდემ პილოტის ლიცენზია. 2026 წელს კი საქართველოს პარაგაიდინგის ფედერაცია FAI-ს (საერთაშორისო საავიაციო ფედერაციის) წევრი გახდა და შესაბამისად ცდილობს საერთაშორისო სტანდარტების დანერგვას საქართველოში პროფესიული საქმიანობა და კომერციული ფრენები საერთაშორისო გამოცდილებისა და ოფიციალური აღიარების მიღების შემდეგ, თორნიკე აქტიურ საინსტრუქტორო მოღვაწეობას ეწევა. ის ფლობს მრავალწლიან გამოცდილებას საქართველოს მასშტაბით სხვადასხვა კომერციულ საფრენ ლოკაციაზე: მისი ძირითადი და მუდმივი საფრენი ლოკაცია გუდაურიაა, როგორც ადგილობრივ მოწინავე პილოტის (განსაკუთრებით ზამთრისა და ზაფხულის სეზონზე). თორნიკეს განხორციელებული აქვს 10 000-ზე მეტი სოლო და 6 000-ზე მეტი ტანდემ ფრენა. 2020-2021 წლებში აქტიურად დაფრინავდა ბათუმის შემოგარენში, კერძოდ, გონიოსა და კვარიათის ზღვისპირა პარაპლანით საფრენ ზონებში, ასევე თბილისში, რუსთავსა თუ კახეთის ულამაზესი საფრენი ლოკაციებზე. დღეისათვის თორნიკე ზაქაიძე არის გამოცდილი, საერთაშორისო სტანდარტებით სერტიფიცირებული და მაღალი კვალიფიკაციის მქონე ტანდემ პილოტი, რომელიც მგზავრებს საქართველოს ყველაზე ექსტრემალურ და ულამაზეს წერტილებში სრულად უსაფრთხო და დაუვიწყარ ფრენებს სთავაზობს.
Paragliding Georgiaირაკლი ხვისტანი – პარაპლანის პილოტი და ტანდემ ინსტრუქტორი დასაწყისი და პროფესიული განვითარება ირაკლი ხვისტანის გზა პარაპლანით ფრენაში 2019 წელს, ლაშა ჯაფავას გაცნობით დაიწყო. სწორედ მისი ხელმძღვანელობით, ირაკლიმ 2019–2020 წლებში გაიარა პარაგლაიდინგის სრული კურსი, მათ შორის საბაზისო (Basic), შუალედური (Intermediate) და მოწინავე (Advance) საფეხურები. ხოლო 2024 წელს ირაკლი ხვისტანმა მონაწილეობა მიიღო საქართველოს პარაგლაიდინგის ფედერაციის ეგიდით ორგანიზებულ ტანდემ პარაგლაიდინგის გადამზადების სპეციალურ კურსში, რითაც კიდევ უფრო აამაღლა თავისი კვალიფიკაცია და აიღო ტანდემ პილოტის ლიცენზია. სამუშაო გამოცდილება და პროექტები ირაკლი ხვისტანის პროფესიული საქმიანობა მრავალფეროვანია: 2020 წლიდან აქტიურად ჩაერთო ტანდემ კომერციულ ფრენებში ლაშა ჯაფავასთან ერთად, კერძოდ, ზამთრის პერიოდში სამთო-სათხილამურო კურორტ თეთნულდზე. ამავდროულად, მონაწილეობდა ევროკავშირისა და USAID-ის მიერ დაფინანსებულ პროექტში, რომელიც სვანეთში ადგილობრივი ახალგაზრდების პარაგლაიდინგში გადამზადებას ისახავდა მიზნად. 2022–2023 წლებში ზაფხულის სეზონზე აქტიურად ახორციელებდა კომერციულ ტანდემ ფრენებს გონიოსა და კვარიათის საზღვაო ზონებში. 2023 წლიდან თანამშრომლობს „ტატრას კომპანიასთან“, რომლის სახელითაც ოპერირებს გუდაურში და ეწევა კომერციულ ტანდემ ფრენებს. საკუთარი ბიზნესი და აქტივიზმი ირაკლი ხვისტანი არის „პარაგლაიდინგის განვითარების და პოპულარიზაციის ასოციაცია – Xcaucasus“-ის ერთ-ერთი მოწინავე აქტივისტი და 2019 წლიდან აქტიურად არის ჩართული ორგანიზაციის საქმიანობაში. პროფესიული ზრდის პარალელურად, მან დააფუძნა საკუთარი კომპანია „Paragliding Georgia“. მიზნად ისახავს რა ტურისტების მოზიდვას, მან შექმნა პირადი ვებგვერდი და რეგისტრირებულია სხვადასხვა საერთაშორისო პლატფორმებზე. დღევანდელი საქმიანობა ირაკლი ხვისტანი დღეს ერთ-ერთი მოწინავე ტანდემ პილოტია, რომელიც პროფესიულ დონეზე უწევს მომსახურებას როგორც ადგილობრივ, ისე საერთაშორისო მომხმარებლებს. გუდაურისა და სვანეთის გარდა, ის რეგულარულად ახორციელებს კომერციულ ფრენებს თბილისსა და რუსთავშიც
XParaglidingლაშა ჯაფავას პარაგლაიდინგის გზა 2006 წელს დაიწყო. მისი პროფესიული კარიერა 2014 წელს გუდაურში, ინსტრუქტორ ანატოლი მიხაილუტასთან გავლილი ინტენსიური სწავლებით გამყარდა. საკუთარი უნარების დასახვეწად მან საფრანგეთში (ანესი, შამონი) გაიარა პრაქტიკული ვარჯიშები, ხოლო თურქეთში ორჯერ დაასრულა SIV (უსაფრთხოების) კურსები, რაც მის ტექნიკურ მომზადებას საფუძვლიან ბაზას უქმნის. პროფესიული საქმიანობა და მიღწევები 2017 წლიდან ლაშა აქტიურად მოღვაწეობს ტანდემ-ინსტრუქტორად გუდაურში. გარდა პრაქტიკული ფრენებისა, მან საფუძველი ჩაუყარა ახალგაზრდა პილოტების მომზადების პროგრამას, რითაც მნიშვნელოვანი წვლილი შეაქვს პარაგლაიდინგის, როგორც სპორტისა და მდგრადი ბიზნესის განვითარებაში. ინსტიტუციური განვითარება: 2018 წელს იყო „საქართველოს პარაპლანით ფრენის ეროვნული ფედერაციის“ თანადამფუძნებელი. 2019 წელს დააარსა „Xcaucasus“ — პარაგლაიდინგის განვითარებისა და პოპულარიზაციის ჰაბი, რომელიც 2025 წელს ეროვნული ასოციაციის ჩამოყალიბების მყარი საფუძველი გახდა. ინფრასტრუქტურული პროექტები: USAID-ისა და სააგენტო „აწარმოე საქართველოს“ მხარდაჭერით, მან წარმატებით აღმოაჩინა და აითვისა ფრენის ახალი ლოკაციები: რუსთავი, თეთნულდი, გონიო და კვარიათი. ამ პროექტების ფარგლებში ლაშა აქტიურად ასწავლიდა ადგილობრივ ახალგაზრდებს, რითაც ხელი შეუწყო რეგიონებში დარგის პოპულარიზაციას. დღეისთვის ეს ადგილები სასიცოცხლო მნიშვნელობისაა როგორც კომერციული ტურიზმისთვის, ისე პროფესიული ტრენინგებისთვის. უსაფრთხოებისა და სტანდარტების დანერგვა: ლაშა აქტიურად თანამშრომლობს სახელმწიფო უწყებებთან პარაგლაიდინგის უსაფრთხოების რეგულაციებისა და ლიცენზირების სისტემის შესამუშავებლად. იგი მუშაობს სფეროსთვის აუცილებელ სახელმძღვანელოზე და უკვე წარდგენილი აქვს სასწავლო სილაბუსი უწყებრივი აკრედიტაციის მისაღებად. გამოცდილება და სამომავლო ხედვა ლაშას პროფესიონალიზმს ადასტურებს 2017-2022 წლებში საშუალოდ 300 საფრენი საათი და 120 კმ-იანი მარშრუტული (cross-country) ფრენის გამოცდილება. მისი შემდეგი სტრატეგიული მიზანია პარაგლაიდინგის განვითარება საქართველოში, როგორც პროფესიული კომერციული საქმიანობის, ისე სპორტული და სამოყვარულო მიმართულებით. ლაშა ჯაფავას მთავარი მისიაა ადგილობრივი პილოტების გაძლიერება, რათა მათ შეძლონ დარგის ლიდერებად ჩამოყალიბება და საერთაშორისო სტანდარტების დამკვიდრება საქართველოში.
XParaglidingნოდარ ბეროშვილი – პარაპლანის პილოტი - (ტანდემ) ინსტრუქტორი როგორ დაიწყო ყველაფერი: პირველი ნაბიჯები პარაპლაგლაიდინგში ნოდარ ბეროშვილმა პარაპლანით ფრენის ხელოვნება 2016 წელს აღმოაჩინა. მისი პირველი ნაბიჯები პარაგლაიდინში იწყება ლაშა ჯაფავას გაცნობითა და საქართველოს პარაგლაიდინგის ფედერაციასთან დაკავშირებით დაიწყო. სწორედ ფედერაციის ბაზაზე, თბილისის ზღვის მიმდებარე ტერიტორიაზე შეისწავლა ფრენის საფუძვლები. - კვალიფიკაცია და უსაფრთხოების საერთაშორისო კურსები: საბაზისო და საშუალო (Intermediate) საფეხურის კურსების წარმატებით გავლის შემდეგ, ნოდარმა აქცენტი პროფესიულ განვითარებასა და უსაფრთხოების უმაღლეს სტანდარტებზე გააკეთა: 2017–2018 წლები: ის ორჯერ ეტუმრა თურქეთის მსოფლიო დონის საფრენი ლოკაციას – ქალაქი ოლუდენიზს, სადაც ორჯერვე წარმატებით გაიარა უსაფრთხოების სრული და ექსტრემალური კურსი (SIV – Simulation d'Incident en Vol). 2019 წლიდან ნოდარ ბეროშვილი არის ერთ-ერთი მთავარი აქტივისტი, რომელმაც დიდი წვლილი შეიტანა ,,პარაგლაიდინგის განვითარების და პოპულარიზაციის ასოციაციის - Xcaucasus " ჩამოყალიბებაში 2024 წლის გადამზადება და საერთაშორისო ლიცენზია: ნოდარ ბეროშვილი მუდმივად ზრუნავს კვალიფიკაციის ამაღლებაზე. 2024 წელს მან გაიარა ტანდემ პარაგლაიდინგის სპეციალური გადამზადების კურსი, რომელიც ორგანიზებული იყო საქართველოში პარაგლაიდინგის ფედერაციის მიერ. კურსის წარმატებით დასრულების შემდეგ, მას მიენიჭა საქართველოს პარაგაიდინის ფედერაციის ტანდემ პილოტის ლიცენზია. 2026 წელს კი საქართველოს პარაგაიდინგის ფედერაცია FAI-ს (საერთაშორისო საავიაციო ფედერაციის) წევრი გახდა და შესაბამისად ცდილობს საერთაშორისო სტანდარტების დანერგვას საქართველოში. პროფესიული საქმიანობა და კომერციული ფრენები საერთაშორისო გამოცდილებისა და ოფიციალური აღიარების მიღების შემდეგ, ნოდარი აქტიურ საინსტრუქტორო მოღვაწეობას ეწევა. ის ზამთრის და ზაფხულის პერიოდში გუდაურში ტანდემ პარაპლანის ინსტრუქტორად მუშაობს. მას შემდეგ ის აქტიურად და წარმატებით ოპერირებს საქართველოს მასშტაბით სხვადასხვა კომერციულ საფრენ ლოკაციაზე. მისი გეოგრაფია საკმაოდ ვრცელია: გუდაური – ძირითადი და მუდმივი საფრენი ლოკაცია (განსაკუთრებით ზამთრის და ზაფხულის სეზონზე). აჭარა (2020-2021 წლები): აქტიურად მუშაობდა ბათუმის შემოგარენში, კერძოდ, გონიოსა და კვარიათის საზღვაო საფრენ ზონებში. სვანეთი: მესტია და თეთნულდი. აღმოსავლეთ საქართველო: თბილისი, რუსთავი და კახეთის სხვადასხვა ულამაზესი საფრენი ლოკაცია. დღეისათვის ნოდარ ბეროშვილი არის გამოცდილი, საერთაშორისო სტანდარტებით სერტიფიცირებული და მაღალი კვალიფიკაციის მქონე ტანდემ პილოტი, რომელიც მგზავრებს საქართველოს ყველაზე ექსტრემალურ და ულამაზეს წერტილებში სრულად უსაფრთხო და დაუვიწყარ ფრენებს სთავაზობს.